ਆਲਮਗੀਰ 6 ਜੂਨ (ਜਸਵੀਰ ਸਿੰਘ ਗੁਰਮ ) ਲੋਕ ਸਭਾ ਹਲਕਾ ਲੁਧਿਆਣਾ ਤੋਂ ਕਾਂਗਰਸ ਉਮੀਦਵਾਰ ਰਾਜਾ ਵੜਿੰਗ ਦੀ ਸ਼ਾਨਦਾਰ ਜਿੱਤ ‘ਤੇ ਹਲਕਾ ਦੇ ਪਾਰਟੀ ਦਫ਼ਤਰ ਵਿਚ ਹਲਕਾ ਇੰਚਾਰਜ ਕੁਲਦੀਪ ਵੈਦ ਅਤੇ ਬਲਾਕ ਪ੍ਰਧਾਨ ਨੋਨੀ ਸੀਲੋ ਅਤੇ ਯੂਥ ਆਗੂ ਇੰਦਰਜੀਤ ਗਿੱਲ ਦੀ ਅਗਵਾਈ ਹੇਠ ਵਰਕਰਾਂ ਨੇ ਜਿੱਤ ਦਾ ਜਸ਼ਨ ਮਨਾਇਆ। ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਹਲਕਾ ਇੰਚਾਰਜ ਕੁਲਦੀਪ ਵੈਦ ਅਤੇ ਬਲਾਕ ਪ੍ਰਧਾਨ ਨੋਨੀ ਸੀਲੋ ਅਤੇ ਇੰਦਰਜੀਤ ਗਿੱਲ ਨੇ ਕਿਹਾ ਕਿ ਹਲਕਾ ਗਿੱਲ ਵਿਚ ਲੋਕਾਂ ਵਲੋਂ ਮਿਲੇ ਭਰਵੇਂ ਸਮਰਥਨ ਅਤੇ ਪਿਆਰ ਸਦਕਾ ਜੋ ਸ਼ਾਨਦਾਰ ਜਿੱਤ ਹੋਈ ਉਸ ਲਈ ਉਹ ਹਮੇਸ਼ਾ ਹਲਕੇ ਦੇ ਲੋਕਾਂ ਦੇ ਰਿਣੀ ਰਹਿਣਗੇ। ਹਲਕਾ ਇੰਚਾਰਜ ਕੁਲਦੀਪ ਵੈਦ ਅਤੇ ਬਲਾਕ ਪ੍ਰਧਾਨ ਨੋਨੀ ਸੀਲੋ ਅਤੇ ਇੰਦਰਜੀਤ ਗਿੱਲ ਨੇ ਕਿਹਾ ਕਿ ਹਲਕਾ ਗਿੱਲ ਵਿਚ ਸਮੂਹ ਪਾਰਟੀ ਵਰਕਰਾਂ ਨੇ ਬੜੀ ਤਨਦੇਹੀ ਨਾਲ ਚੋਣ ਪ੍ਰਚਾਰ ਕੀਤਾ ਅਤੇ ਰਾਜਾ ਵੜਿੰਗ ਦੀ ਚੋਣ ਮੁਹਿੰਮ ਨੂੰ ਸਿਖ਼ਰਾਂ ‘ਤੇ ਪਹੁੰਚਾਇਆ ਜਿਸ ਕਾਰਨ ਇਹ ਸ਼ਾਨਦਾਰ ਜਿੱਤ ਹੋਈ। ਉਨਾਂ ਕਿਹਾ ਕਿ ਉਹ ਅਸੀਂ ਤੇ ਸਾਡੇ ਕਾਂਗਰਸੀ ਵਰਕਰ ਹਲਕਾ ਗਿੱਲ ਵਿਚ ਪਹਿਲਾਂ ਵੀ ਲੋਕ ਸੇਵਾ ਲਈ ਯਤਨਸ਼ੀਲ ਰਹੇ ਹਨ ਪਰ ਹੁਣ ਇੱਥੋਂ ਜਿੱਤ ਦਿਵਾ ਕੇ ਸਮੂਹ ਵੋਟਰਾਂ ਨੇ ਉਨਾਂ ਦੀ ਜਿੰਮੇਵਾਰੀ ਵਧਾ ਦਿੱਤੀ ਹੈ ਜਿਸ ਲਈ ਉਹ ਅੱਗੇ ਨਾਲੋਂ ਵੀ ਵੱਧ ਲੋਕਾਂ ਦੀਆਂ ਸਮੱਸਿਆਵਾਂ ਨੂੰ ਹੱਲ ਕਰਨ ਲਈ ਤਤਪਰ ਰਹਿਣਗੇ। ਇਸ ਮੌਕੇ ਕੁਲਦੀਪ ਵੈਦ ਨੇ ਕਿਹਾ ਕਿ ਲੋਕਾਂ ਨੇ ਝੂਠੇ ਵਾਅਦਿਆਂ ਵਾਲੀ ਪਾਰਟੀਆਂ ਨੂੰ ਬੁਰੀ ਤਰਾਂ ਨਕਾਰ ਦਿੱਤਾ ਹੈ। ਉਨਾਂ ਕਿਹਾ ਕਿ ਲੋਕ ਸਭਾ ਚੋਣਾਂ ਦੌਰਾਨ ਹਲਕਾ ਗਿੱਲ ਦੇ ਵਿਕਾਸ ਲਈ ਜੇ ਉਮੀਦਵਾਰ ਰਾਜਾ ਵੜਿੰਗ ਨੇ ਵਾਅਦੇ ਕੀਤੇ ਹਨ ਉਹ ਜ਼ਰੂਰ ਪੂਰੇ ਕੀਤੇ ਜਾਣਗੇ। ਇਸ ਮੌਕੇ ਬਲਾਕ ਪ੍ਰਧਾਨ ਲਾਲੀ ਲਲਤੋਂ,ਸਰਪੰਚ ਲਾਡੀ ਜੱਸੜ,ਗਾਬੀ ਪੋਹੀੜ,ਬਿੱਟੂ ਸਰਪੰਚ ਪੋਹੀੜ,ਸਰਪੰਚ ਨਿਰਮਲ ਨਿੱਮਾ, ਦਵਿੰਦਰ ਗਿੱਲ,ਸਰਪੰਚ ਨਿੰਦਾ ਰਣੀਆ, ਸਰਪੰਚ ਗੁਰਜੀਤ ਧਾਂਦਰਾ, ਸਰਪੰਚ ਅਮਨ ਬੂਲ ,ਸਰਪੰਚ ਗੁਰਜੀਤ ਰੰਗੀਆਂ, ਸਰਪੰਚ ਚਰਨ ਖੇੜਾ,ਇੰਦਰਜੀਤ ਗਿੱਲ, ਹੋਰ ਵੀ ਕਾਂਗਰਸੀ ਆਗੂ ਹਾਜ਼ਰ ਸਨ|