ਆਲਮਗੀਰ , 7 ਜੁਲਾਈ (ਜਸਵੀਰ ਸਿੰਘ ਗੁਰਮ ) : ਯੂਥ ਕਾਂਗਰਸ ਵੱਲੋਂ ਚੋਣਾਂ ਦੌਰਾਨ ਪਾਰਟੀ ਲਈ ਮਿਹਨਤ ਕਰਨ ਵਾਲੇ ਨੌਜਵਾਨ ਆਗੂਆਂ ਦਾ ਹੌਂਸਲਾ ਵਧਾਉਣ ਲਈ ਵੱਖ-ਵੱਖ ਅਹੁਦਿਆਂ ‘ਤੇ ਨੌਜਵਾਨਾਂ ਨੂੰ ਤਰੱਕੀਆਂ ਦਿੱਤੀਆਂ ਜਾ ਰਹੀਆਂ ਹਨ, ਇਸ ਲੜੀ ਤਹਿਤ ਲੁਧਿਆਣਾ ਤੋਂ ਪੰਜਾਬ ਯੂਥ ਕਾਂਗਰਸ ਦੇ ਸਕੱਤਰ ਤੋਂ ਅਕਾਸ਼ ਤਿਵਾੜੀ ਦੀ ਮਿਹਨਤ ਨੁੰ ਦੇਖ ਦੇ ਹੋਏ ਉਨ੍ਹਾਂ ਨੁੰ ਪੰਜਾਬ ਯੂਥ ਕਾਂਗਰਸ ਦਾ ਜਨਰਲ ਸਕੱਤਰ ਬਣਾਇਆ ਨਿਯੁਕਤ ਕੀਤਾ ਗਿਆ ਹੈ। ਇਸ ਮੌਕੇ ਅਕਾਸ਼ ਤਿਵਾੜੀ ਨੇ ਆਪਣੀ ਨਿਯੁਕਤੀ ‘ਤੇ ਆਲ ਇੰਡੀਆ ਯੂਥ ਕਾਂਗਰਸ ਦੇ ਇੰਚਾਰਜ ਕ੍ਰਿਸ਼ਨਾ ਅਲਵਾਰ, ਆਲ ਇੰਡੀਆ ਯੂਥ ਕਾਂਗਰਸ ਦੇ ਪ੍ਰਧਾਨ ਸ਼੍ਰੀ ਸ਼੍ਰੀ ਨਿਵਾਸ, ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਤੇ ਲੁਧਿਆਣਾ ਦੇ ਮੈਬਰ ਪਾਰਲੀਮੈਂਟ ਰਾਜਾ ਵੜਿੰਗ,ਪੰਜਾਬ ਯੂਥ ਕਾਂਗਰਸ ਦੇ ਪ੍ਰਧਾਨ ਮੋਹਿਤ ਮਹਿੰਦਰਾ ਦਾ ਧੰਨਵਾਦ ਕਰਦਿਆ ਅਕਾਸ਼ ਤਿਵਾੜੀ ਨੇ ਕਿਹਾ ਕਿ ਇਕ ਆਮ ਘਰ ਦੇ ਨੌਜਵਾਨ ਦਾ ਪੰਜਾਬ ਦੇ ਅਹੁਦੇ ਤੱਕ ਪੰਹੁਚਣਾ ਇਕ ਸੁਪਨਾ ਹੀ ਹੁੰਦਾ ਹੈ ਜਿਸ ਨੂੰ ਕਾਂਗਰਸ ਪਾਰਟੀ ਨੇ ਪੂਰਾ ਕੀਤਾ ਹੈ, ਕਿਉਂਕਿ ਕਾਂਗਰਸ ਪਾਰਟੀ ਨੌਜਵਾਨਾਂ ਦੀਆਂ ਭਾਵਨਾਵਾਂ ਦੀ ਕਦਰ ਕਰਨ ਵਾਲੀ ਪਾਰਟੀ ਹੈ । ਅਕਾਸ਼ ਤਿਵਾੜੀ ਨੇ ਕਿਹਾ ਕਿ ਪਾਰਟੀ ਵੱਲੋਂ ਜੋ ਵੀ ਜ਼ਿੰਮੇਵਾਰੀ ਲਗਾਈ ਜਾਵੇਗੀ ਉਹ ਪਹਿਲਾਂ ਦੀ ਤਰ੍ਹਾਂ ਤਨਦੇਹੀ ਨਾਲ ਨਿਭਾਉਣਗੇ ਤੇ ਪਰਟੀ ਦੀਆਂ ਨੀਤੀ ਆਂ ਘਰ ਘ ਰ ਪੰਹੁਚਾਉਣਗੇ। ਅਕਾਸ਼ ਤਿਵਾੜੀ ਦੀ ਇਸ ਨਿਯੁਕਤੀ ਤੇ ਕੁਵਰ ਹਰਪ੍ਰੀਤ ਸਿੰਘ ਸਪੋਕਸ ਪਰਸਨ ਪੰਜਾਬ ਕਾਂਗਰਸ, ਰਾਜੂ ਰਾਣਾ, ਕਿਰਨ ਮੋਹਨ, ਨੋਨੀ ਸੀਲੋ ਬਲਾਕ ਪ੍ਰਧਾਨ, ਬਲਾਕ ਪ੍ਰਧਾਨ ਲਾਲੀ ਲਲਤੋਂ,ਸਰਪੰਚ ਗੁਰਜੀਤ ਸਿੰਘ ਰੰਗੀ, ਰਣਜੀਤ ਚੁੱਪਕੀ,ਗਗਨ ਗੁਰਮ,ਸਰਪੰਚ ਰਾਜਵੀਰ ਚੁੱਪਕੀ,ਪਾਲੀ ਆਲਮਗੀਰ, ਜੀਤ ਸਰੀਂਹ, ਆਦਿ ਨੇ ਮੁਬਾਰਕਵਾਦ ਦਿੱਤੀ |